صحيت الصبح رشا 1
عشان أجبر على السكوت وأتكسر، أو يمكن عشان أطلب الطلاق وأسيب الساحة فاضية للجوازة المستخبية!أدهم قرب مني خطوتين ورَفَع إيديه: — مريم.. اهدي.. أنا هفهمك كل حاجة.. الموضوع مش زي ما إنتِ فاهمة. ضحكت. ضحكة واطية ومكتومة، طلعت من وسط قهرتي.— مش زي ما أنا فاهمة؟
أصل المحامي الكبير العظيم هيشرحلي إزاي بنت خالته.. قصدي مراته السحرية اللي في السر.. فبركتلي فيديو فاضح ونشرته على النت عشان تتسلوا عليا؟نادين صرخت فجأة وهي بتعيط بحــ,,ـــــرقة: — أنا ماكنتش قاصدة أعمل فيكي كده! أنا كنت عايزة أعمل حوار صغير أفرق بينك وبينه.
. ماكنتش أعرف إن الفيديو هينتشر كده وملايين هيشوفوه!— اسكتي يا نادين!أدهم زعق فيها بصوت هز المكتب، وبعدين بصلتي ونبرة صوته اتغيرت للدفاع والمساومة: — مريم.. نادين غلطت.. غلطة طيش وغيرة، وهي معترفة بغلطها.. الحساب اتقفل، وأنا هخليها تفرمت كل حاجة عندها، والناس بكره هتنقل على فضيحة جديدة وتنسى.
بس لو رفعتِ .. الموضوع هيفضل شغال في المحاكم، واسم العيلة هيتدمر، واسمك إنتِ كمان هيتقلب في كل الجرايد!بصيت في عينيه. ملامحه اللي كنت بعشــ,,ـــــقها بفت فيها وش شخص غريب. . مجرم بيحاول يحمي مجرمة زيّه.— عشان كده كريم جه؟
عشان كده سارة شدت الملف من إيدي؟ عشان كده أمك اتصلت بيا بدم بارد وتقولي “لو عندك ذرة احترام لجوزك تدفــ,,ـــــني الموضوع”؟ كلكوا اتفقتوا عليا؟ كلكوا كنتوا عارفين إنها هي، وخايفين على صورتها وصورتك إنت، ومحدش فيكوا فكر فييا أنا؟
في سمعتي أنا؟ في حقي؟أدهم مسك إيدي بجنون: — مريم.. أنا جوزك! 5 سنين يا مريم! ما تهديش بيتك عشان لحظة طيش! أنا هعوضك.. هخلي نادين ترحل من البلد خالص.. تسافر لأي حتة.. بس بلاش محاكم! بلاغ واحد من محامي زيي بتهمة التزوير الإلكتروني والفبركة هيضيع مستقبلها ومستقبلي!
شدّيت إيدي منه بقوة وأنا بلطشه على إيده: — ما تلمسنيش! إنت بيتك مهدوم من سنة يا أدهم! من الساعات اللي كنت بتروح لها فيها في السر وتيجي تنام جنبي في سر,,ـــــير واحد وتكدب عليا!نادين قربت وهي بتترجى: — مريم.. أرجوكي.. أنا مستعدة أعملك أي حاجة..
أعتذرلك، أديكي فلوس، أعمل أي حاجة.. بس بلاش محاكم.. خالي لو عرف هيمــ,,ـــــوتني، وأدهم شغله هيتدمر!بصيت لنادين بقرف. كانت باصالي بعيون مرعوبة.. نفس البنت اللي كانت بتقعد في بيتي وتاكل من أكلي وتاخدني بالحضان. مسكت الملف اللي كان في إيدي بضغط عليه بأصابعي لدرجة إن الورق اتعصر.
