مساحتى حقى
الأكثر قراءة الان
المجذوب 1 حكايات زهرة
منذ أسبوعين
المجذوب ٢ حكايات زهرة
منذ أسبوعين
جوزي كل جمعه
منذ أسبوعين
اللي عايز مساحة زيادة يدفع تمنها مش ياخدها منك عشان انتي طيبة وساكتة البنت طبعا نايمة مش فاهمة بس أنا كنت بكلم نفسي بتاعة زمان النفس اللي كانت بتعتذر للكرسي لو خبطت فيه زي ما جوزي كان بيقول النهاردة أنا مبقتش أعتذر للكراسي النهاردة أنا بقيت أقول لو سمحت ده
كرسيي وده حقي ولو مش عاجبك انقل انت ومن ساعتها أي رحلة طيران بقيت أول ما أركب لو حد فكر بس يحط رجله بره مساحته ببصله في عينه وأقول لو سمحت خليك في مساحتك بمنتهى الهدوء ومن غير كسوف عشان اتعلمت إن الأدب مش معناه إني أسيب حقي الأدب إنك
تطلب حقك بأدب بس تطلبه ومتسيبش حد يقولك انتي صغيرة مش محتاجة المساحة لأن مساحتك مش بتتقاس بطولك ولا بوزنك مساحتك بتتقاس بإنك بني آدمة دافعة زيك زيه وليكي نفس الحق وهي دي حكاية الكرسي اللي علمني أرجع آخد مساحتي في كل حاجة مش في الطيارة بس ولما روحت بيت
بنتي تاني يوم الصبح صحيت على صوت البيبي بټعيط قمت شلتها وفضلت أتمشى بيها في الشقة بنتي قالت يا ماما انتي نومك تقيل ازاي صحيتي بسرعة كده قلت أنا نايمة مرتاحة أول مرة أنام مرتاحة من 4 ساعات زنقة في الطيارة ضحكت وقالت لسه فاكرة الراجل قلت مش هنساه ده
علمني درس مش هنساه قعدنا نفطر بنتي قالت تعرفي يا ماما أنا كمان بيحصلي كده في الشغل قلت ازاي قالت فيه واحد معايا في المكتب دايما واخد نص مكتبي وحاطط ورقه عندي ولما أقوله يقول ما انتي مش بتستخدمي المساحة دي قلتلها نفس الجملة لو مش بتستخدمي المساحة ايه المشكلة
اټصدمت قلت شفتي الجملة دي بتتقال في كل حتة مش في الطيارة بس،
في الشغل وفي البيت وفي الحياة كلها، الراجل يقول للست انتي مش محتاجة والمدير يقول للموظف انت مش محتاج والكبير يقول للصغير انت مش محتاج بنتي قالت صح والله قلت عشان كده لازم نقول لا دي مساحتي ومحتاجاها حتى لو فاضية أنا حرة فيها بعد الفطار نزلت أتمشى بالبيبي في الجنينة اللي تحت البيت قابلت جارة بنتي ست كبيرة قدي سلمت عليها قالت انتي تيتا الصغيرة صح بنتك حكتلي انك جاية من السفر قلت أيوه قالت حمدالله على السلامة السفر كان كويس قلت كان كويس لحد ما راجل رخم قعد جنبي واخد نص كرسيي حكيتلها الحكاية لقيتها بتضحك وتقول وأنا كمان حصللي كده من أسبوع في الأتوبيس قلت بجد قالت أيوه راجل قعد جنبي في الأتوبيس وفارد رجله وكل ما أقوله يقول ما الطريق زحمة هحط رجلي فين قلت وسبتيه قالت لا قمت وقفت وقلت للسواق وقفلي عايزة أنزل واتكسفت الناس كلها بصتله وقام لم رجله ضحكنا احنا الاتنين وحسيت إني مش لوحدي كل الستات بيحصلها كده مش بس في الطيارة في كل حتة وكلنا بنسكت عشان مكسوفين أو عشان مش عايزين مشاكل بس السكوت ده هو اللي بيخليهم يتمادوا تاني يوم كنت راجعة المطار عشان أرجع بلدي وأنا داخلة الطيارة كنت مړعوپة يطلعلي نفس الراجل دخلت لقيت الكرسي اللي جنبي فاضي قلت الحمد لله شويةوجه شاب صغير قعد جنبي أول ما قعد فرد رجله ڠصب عنه عشان طويل بصيتله لسه هيقول آسف قلتله بابتسامة ولا يهمك بس خليك في مساحتك عشان نرتاح احنا الاتنين قال حاضر يا طنط ولم رجله فورا شفتي لما طلبت بأدب ومن أول ثانية سمع الكلام المشكلة مكانتش في الطول المشكلة في اللي فاكر إن من حقه ياخد مساحة غيره الطيارة طلعت وأنا قاعدة مرتاحة وفاردة رجلي في مساحتي الصغيرة اللي على قدي بس بتاعتي ومحدش واخدها مني بصيت من الشباك وافتكرت جوزي الله يرحمه كان دايما يقولي انتي صغيرة بس قلبك كبير قلت في سري أيوه يا حبيبي قلبي كبير بس كرسيي صغير ومش هسيب حد ياخده ولما نزلت من الطيارة كتبت بوست على الفيسبوك كتبت أنا ست عندها 61 سنة كنت فاكرة إن الأدب إني أسكت لما حد ياخد حقي،
