مساحتى حقى

النهاردة عرفت إن الأدب إني أطلب حقي بأدب ومسيبوش، لو انتي ست وقاعدة في طيارة أو أتوبيس أو حتى في بيتك وحد واخد مساحتك قولي لا، قولي ده مكاني وده حقي، انتي مش صغيرة انتي حقك كبير البوست جاب 2000 لايك وكومنتات كتير من ستات بيحكوا نفس الحكاية واحدة كتبت أنا جوزي واخد نص الدولاب ويقول ما انتي هدومك قليلة واحدة كتبت أنا أخويا واخد نص أوضتي واحدة كتبت أنا في الشغل زميلي واخد نص المكتب عرفت ساعتها إن حكاية الطيارة دي مش حكاية كرسي دي حكاية حياة كاملة حكاية كل واحدة اتقالها انتي مش محتاجة فسيبي حقك لغيرك لا يا حبيبتي انتي محتاجة ولو مش محتاجة دلوقتي هتحتاجي بعدين وده حقك ومش منة من حد ومن ساعتها بقيت لما أشوف بنت صغيرة بقولها اوعي تسيبي حد يقولك انتي صغيرة مش محتاجة،

انتي محتاجة كل شبر دفعتي تمنه سواء فلوس أو مجهود أو عمر وهي دي الحكاية اللي بدأت بكرسي في طيارة وانتهت بدرس لكل ست مساحتك حقك متسيبيهاش