بيت العيلة رومانى 3

! إيه اللي جابك يا بنتي وفي الوقت ده؟!”ريم نزلت الشنطة من إيدها، وبصت لأبوها اللي عينه لمعت بالدموع من القهر على بنته، وقالت بصوت مكسور بس فيه صلابة الدنيا: “جيت يا بابا.. جيت لبيتك اللي عمره ما قفل بابه في وشي. البيت هناك اتحول لمعسكر، وأمه وأخته مش سايبين لي لحظة راحة، وأحمد رغم إنه غلبان بس ضعيف قدامهم.

. ماقدرش يحميني ولا يحمي شقتي.”الأب طبطب على كتفها بحنان موجوع وقال بصوت رجولي حاسم: “حقك عليا أنا يا قلب أبوكِ.. أنا مجبتكش عشان تتهاني ولا عشان شقا عمري يترمي قدام الكل. اعدي واستهدي بالله، وبيت أبوكي مفتوح لك وملكك، واللي مش يقدر قدرك ميستاهليكيش!”على الناحية التانية، في شقة بيت العيلة، الدنيا كانت مقلوبة كلياً. أحمد كان قاعد على السلالم قدام شقته، حاسس بإن البيت فاضي وموحش جداً من غير ريم.

أمه كانت بتزعق من جوه: “قاعد حزين على إيه يا فالح؟ سيبها تولي، بكرة تندم وترجع لوحدها ذليلة!”أحمد قام وقف وعروقه بارزة، وصرخ بصوت عالي خلى أمه وأخته يتجمدوا في مكانهم لأول مرة: “كفاية يا أمي! حرام علكي خربتي بيتي وعرسي قبل ما يكمل شهر! ريم مشطت شنطتها ومشت بسبب طمعك وتدخلاتك اللي ملهاش آخر! البيت ده كان المفروض يكون عمار لينا، بس بطريقتك بقى سجــ,,ـــــن!

أنا رايح أجيب مراتي، ولو مش عاجبكم، هسيب بيت العيلة كله وأجر لها شقة بره لوحدنا!”أمه حطت إيدها على صدـ,,ـــرها وقالت بصدمة: “بتقول إيه يا عاق؟! هتمشي وتسيب أمك عشان حتة بت؟!”أحمد مابصش وراه، نزل السلم جري، وركب عربيته وطلع على بيت عمي وعمه (أبو ريم).خبطات قوية ومترددة على باب بيت أبو ريم خلت الكل يقوم. فتح الخال الباب، لقى أحمد واقف ووشه أصفر، وعينيه حمراء من العياط والندم.

أحمد دخل بخطوات سريعة، ووقف قدام أبو ريم اللي كان قاعد بكل هيبته، فوقع أحمد على ركبه قدامه وقال بصوت مليان دموع وترجي: “حقك عليا يا عمي.. وحقك عليا يا ريم. أنا عرفت غلطي، وأمي أخطأت وأنا ضعفت وماحميتش بيتي، بس والله العظيم ما أقدر أعيش من غير مراتي ولا هقبل بالمهزلة دي تاني!”ريم طلعت من جوه، وقفت مكتفة دراعاتها، وبصت له بثبات وقالت: “جاي ليه يا أحمد؟

وجاي بعد ما أهلك طردوني وكسروا نفسي؟”أحمد بص لها برجاء وقال: “جاي أخدك لبيتك.. وبيتك هيكون خط أحمر، محدش هيقدر يدخل فيه بحرف واحد. كلمت بتاع العدادات والكهربا، وبكرة الصباح هيكون عداد منفصل تماماً وباسمنا، وجهازك ومطبخك ملكك لوحدك، ومحدش ليه دعوة بينا لا من قريب ولا من بعيد.. أرجوكِ يا ريم، ارجعي معايا، واعتبريني أخدت قرص جرس هيغيرني للأبد.