بعد وفاة جوزى زهرة 1

بعد و. فاة جوزي مرات اخويا بعتت عيالها يدو عيالي هدومهم الشتويه المقطعه ، ولما كلمت اخويا قاللي الحق عليها اللي عايزه تساعدك ، وقتها عرفت ان مفيش حاجه اسمها سند وطلعت الكارت الاخير اللي احتفظت بيه للزمن وخليت اخويا يجيب مراته عند رجلي تعتذر ليا ولأولادي غصب عنها !!! كان أتعس يوم في عمري لما اتأكدت إني بجد "لوحدي" ومفيش ضهر اتسند عليه. أبويا وأمي ماتوا وسابوني بدري وأنا لسه صغيرة، وماكنش ليا في الدنيا دي كلها غير أخويا سالم، وكنت فاكرة وقتها إنه عزوتي وحمايتي من بعد ربنا. سالم كان كل فين وفين لما يفتكر يسال عني، يعتذر بشغله وبعياله ومسئوليته اللي متلتلة على كتافه، وكنت دايماً بعذره، لاني عارفه ان الدنيا لاهياه وغصب عنه، وعمري ما زعلت منه ولا حسسته أبداً إنه مقصر في حقي لحد ما المو. ت خد مني جوزي من كم شهر، وسابني لوحدي في الدنيا مع عيلين أطفال، أكبرهم مكملش عشر سنين. جوزي كان فرداني، أهله متوفين ومكنش ليه حد، ومن وقت مو. ته ومحدش دق بابنا ولا حد سأل على عيالي ورغم ان من جوايا كنت بتمنى ان سالم يجي يزورهم ويقويهم ويحسسهم إنهم مش لوحدهم في الدنيا دي بعد أبوهم لكن عمري ما تقلت عليه ولا طلبت منه ولا عاتبته حتى وكنت دايما اقول وقت الشده بجد هلاقيه لحد ما في يوم، كنت واقفة في المطبخ بطبخ لقمة عيش لعيالي، والباب خبط. عيالي جريوا فتحوا الباب وبعد دقايق طلعت من المطبخ وأنا بمسح إيدي في مريلة المطبخ وبسألهم باستغراب: مين بيخبط يا ولاد؟لقيتهم مادين إيديهم بشنطة قماش قديمة وريحتها تراب، و قالوا لي: عيال خالي سالم جابوا الشنطة دي يا ماما، وقالوا لنا إن دي هدومهم القديمة، مامتهم بعتاها لينا عشان إحنا مش معانا فلوس نجيب لبس جديد! الكلمة بجد وجعتني صحيح ظروفي كانت صعبة ومرة، وصحيح أنا ومراته عمرنا ما اتفقنا، بس متوقعتش أبداً إنها توصل للدرجة دي! تبعت عيالها للعيال الصغيره تقولهم الكلام ده قدامهم عشان تجرحهم وتكسر نفسهم ونفسي بالشكل القذر ده؟ !مسكت الشنطة وإيدي كانت بتترعش من القهر، فتحتها.. والاسوء ان دي مش هدوم اصلا..كانت بواقي هدوم شتوية متقطعة، ومبقعة، ومتخيطة كذا مرة، ومهملة بطريقة تستفز حرفياً ماتنفعش حتى مساحات للأرض! حسيت إن القصد مش مساعدة خالص، القصد إهانة متعمدة، كسر عين بطريقة وحشة، وتلذذ بضعفي أنا وعيالي الأيتام. مسكت تليفوني فوراً واتصلت بأخويا بغضب وانا باصة لعيالي اللي واقفين حوالين الشنطة مستغربين. رن التليفون ورد، وبصوت كله غضب وقهر حكيت له اللي حصل، وقولتله اللي مراته عملتهلكن الصدمة الأكبر.. اللي كسرت ضهري فعلا، هي ردهزعق في التليفون وقال: "انتي عاملة مشكلة ليه ؟ ! ده جزاتها إنها حبت تساعدك وتساعد عيالك.. أنتي مش هاين عليكي تقولي كتر خيرها حتى بعد ما عملت معاكي جميله؟!".اتسمرت مكاني ومبقيتش سامعة غير صدى صوته وهو بيزعق. قولتله وانا مش مصدقة وداني: "جميلة؟! أنت شوفت هي باعتة إيه وباعتته إزاي وقالت لأولادي إيه؟ !".قاطعني بانفعال : "آياً كان اللي بعتته واللي قالته، كان بحسن نية! وبعدين هي شايفة إنك مش هتقدري تشتريلهم اللبس الشتوي وقالت العيال تتدفى...ولا هو اقرع ونزهي".هنا.. حسيت إن الكلام خلص، وإن مفيش أي عتاب أو مبرر ممكن يعوض الكسرة دي. قفلت التليفون في وشه فوراً من غير ما أنطق بحرف تاني، ودموعي بتنزل بصدمة مالهاش حدود. عيالي كانوا ماسكين الهدوم المقطعه ومستغربين وزعلانين. مسحت دموعي بالعافية، وح. ضنتهم وقولت لهم : "انتوا مش هتلبسوا الحاجات دي.. ماتخافوش، أنا هجيبلكوا جديد أحسن لبس في الدنيا كلها". العيال فرحوا بكلمتي، وأنا اخدت الشنطة ودخلت على الأوضه بتاعتي فوراً وطلعت الحاجه اللي عمري ما خطر على بالي أبداً إني هضطر أستخدمها ضد أخويا.. بس لما الموضوع يوصل لكرامة عيالي، يبقى خلاص، الحكاية خلصت، ومبقاش فيه لا سند ولا نيله، ومفيش عزيز ولا غالي.وتاني يوم الصبح. . أخويا جه بنفسه وجاب مراته واجبرها تعتذر ليا ولأولادي غصب عنها وبأمر منه، واللي حصل بعدها كان صادم أكتر بكتير!!!!!!وقفت في نص الأوضة وعيني على الكارت الأخير اللي في إيدي.. كارت السند القديم اللي ورثناه عن أبويا الله يرحمه، ورقة رسمية وقرار بخط إيده وبصمته مع شهود عدل، بيثبت إن حتة الأرض والبيت اللي سالم عايش فيه وواضع يده عليه وكاتبه باسمه، ملك أصلاً لأبويا الله يرحمه وما تقسمش الميراث الشرعي زي ما أصول الشرع بتقول، وسالم كان مستغل طيبتي وسكتي السنين دي كلها وماطالبش بحقي فيها عشان "صلة الرحم" و"عشان أخويا كبير العيلة". مسكت التليفون وطلبت رقمه بصوت هادي ومن غير عياط ولا انفعال.. وقلت له جملة واحدة: "ساعة وتكون عندي هنا يا سالم، ومعاك الهانم مراتك، عشان نتكلم في كلمتين يخصوا أرض أبويا.. ولو مجتش برجليك خلال الساعة دي، القسم والنيابة هما اللي هيجيبوك، وأنت عارف كويس أنا معايا إيه ومش هرحم". قفل السكة في وشي، وكنت عارفة النار اللي ولعت قلبه.. هو عارف كويس أنا بتكلم عن إيه وعارف قيمة الورقة اللي في إيدي اللي ممكن تهد البيت اللي هو قاعد فيه وتخليه يقف قدام القانون مباحث وأملاك دولة وورثة. بعد ساعة بالضبط، سمعت صوت خبط شديد على الباب.. فتحت، ولقيت سالم واقف وشه أصفر وشفايفه بتترعش، ومراته وراه منكمشة ومرعوبة، وعينها في الأرض مش قادرة ترفعها خالص. دخلوا الصالة، وسالم بلع ريقه وقال بصوت مكسور ومرجف: "إيه الجنون اللي بتقوليه في التليفون ده يا صابرين؟ ! ورقة إيه وزفت إيه اللي هتدخليني بسببها النيابة والشرطة؟! أنتي اتجننتي بجد ولا ضاع عقلك بعد جوزك؟!"..بصيت له نظرة طويلة باردة، وقعدت على الكرسي وقلت له بصوت حازم: "الجنون الحقيقي هو اللي مرتك عملته في عيالي الأيتام امبارح.. الجحود والقلة الأصل لما تبعت هدوم مقطعة وزبالة تكسر بيها نفس عيال أخوك اللي ملهمش سند في الدنيا.. وأما عن ورقة أبويا.. فأنا كنت ساكتة عشان كنت فاكرة إنك ضهري، لكن لما لقيت ضهري هو اللي بيطحني، بقا لازم آخد حقي وحق عيالي بالرصاص القانوني. . الأرض دي بتاعتي والبيت ده بتاعي، وتلت القيراط اللي باقيني أطالب بيه هخذه تمليك مش إيجار".سالم اتجنن من كلامي، حاول يعلي صوته ويهدد، بس بصيت له نظرة خلته يسكت ويبلع ريقه.. قلت له بصوت قاطع: "من غير صوت عالي ومن غير حركات قرعة.. قدامك حلين لا تالت لهم: يا إما الهانم دي تقف هنا دلوقتي قدامي وقدام عيالي وتعتذر بالكلمة الطيبة وتبوس راس عيالي اللي كسرت نفسهم، يا إما نقسم العيشة في المحاكم وتشوفني هعمل فيك إيه بالورقة دي". مراته لما سمعت الكلام ده، بصت لسالم بعين كلها رعب ودموع، وخافت من الطرد والفضايح ومن إن الجوازة والبيت يضيعوا.. بصت لي وبدأت تعيط بنحيب وتقول بصوت منكسر: "حقك عليا يا صابرين.. حقكم عليَا يا ولاد. . والله العظيم ما كان قصدي أجرحكم، سامحوني والنبي واستروا علينا".. وجريت على عيالي اللي كانوا واقفين في باب الأوضة خايفين، وبدات تبوس دماغهم وتقولهم حقكم على راسي، وسالم واقف مكتوف الأيدي، دمه محروق، ووشه متلون بكل ألوان القهر والذل، وشايف مراته اللي كانت ماليّة عليه البيت واقفة بتتذلل قدامي عشان أنقذ رقبتهم. بعد ما انتهى مشهد الاعتذار، بصيت لسالم وقلت له: "تشربوا إيه؟.. شاي العار ده حلو ولا مر زي عمايلكم؟".. سالم بص لي نظرة حسرة ونفَسَه بيطلع بصعوبة وقال بصوت مكسور: "كفاية يا صابرين.. كفاية.. عملتي اللي أنتِ عاوزاه وكسرتي عضمي قدام مراتي وفي بيتي". . رديت عليه بمنتهى البرود والقسوة: "أنا مكسرتش حد.. أنا بس رجعت كل واحد لحجمه الطبيعي.. وورقة الأرض دي هتفضل في خزنتي، لو فكرت تاني تدوس لي على طرف ولا تبص لعيالي بعين قليلة الأدب، هقسم البلد نصين عليك.. ادخلوا في داهية تاخدكم". مشوا من عندي وهم مكسورين، والذل ماشي وراهم خطوة بخطوة.. دخلت لعيالي، لقيتهم بيبصولي بفخر وامتنان.. ح. ضنتهم جامد وبستهم، ودموع النصر والوجع مع بعض نازلة على خدودي.. حسيت لأول مرة إني مش ضعيفة، وإن الست اللي وراها كرامة وعزّة نفس، وتقدر تزل أقوى راجل لو تجرأ وقرب لولادها. . ومن اليوم ده، لا سالم تجرأ يرفع عينه في وشنا، ولا مراته جابت سيرة عيالي بكلمة واحدة، وبقينا أنا وعيالي سند بعض، والدنيا عرفت إن "اللي ملوش ضهر.. ربنا سبحانه وتعالى بيدي له القوة يكسر بيها أي ضهر كسر ضهره".

مقالات ذات صلة

حماتي تو.فيت في رمضان ونسينا نشيل منها طقم الأسنان.. هل علينا ذ.نب؟.. عمرو الورداني يجيب

لماذا أحالت نقابة الأطباء

سلفتى 3

من هي الصحابية الجليلة التي كفـ,ـنها ‏سيدنا ‏محمد بثوبه وحفر قپرها ثم تمدد فيه؟

هل يجوز الجمع بين العقيقه والاصـ،ـحـ،ـيه واذا لم يجوز أيهما أولى

تفاصيل إيقاف الموبايلات المخالفة بدءًا من 7 أبريل الجارى..

اترك تعليقاً إلغاء الرد