أسرار الكيك الهش

🍰 آخر سر: نفس الكوباية للمعايرة.
استخدمي كوباية واحدة لمعايرة كل المقادير، سواء الدقيق أو السكر أو الزيت أو الحليب.

🧁 المقادير:
🥚 2 بيضة بحرارة الغرفة.
🍚 1 كوب سكر.
🌸 2 ظرف فانيليا، أو 1 ملعقة صغيرة فانيليا سائلة.
🧂 رشة ملح صغيرة.
🫗 نصف كوب زيت نباتي بدون رائحة.
🥛 1 كوب حليب مغلي.
🌾 2 وربع كوب دقيق جميع الأغراض.
🎂 1 ظرف بيكنج بودر 16 جرام.
🍋 2 ملعقة كبيرة عصير ليمون.

📌 الصينية: مقاس 26 أو 28.

👩‍🍳 الطريقة:

1️⃣ في بولة عميقة، حطي البيض بحرارة الغرفة، والفانيليا، ورشة الملح، وكوب السكر.
2️⃣ اخفقيهم كويس جدًا بالمضرب الكهربائي أو اليدوي حوالي 5 دقائق، لحد ما الخليط يفتح لونه ويبقى كريمي وهش.
3️⃣ ضيفي نصف كوب الزيت واخلطي كويس لحد ما يمتزج تمامًا.
4️⃣ ضيفي كوب الحليب المغلي والسخن جدًا، وقلبي كويس.
5️⃣ انخلي الدقيق كويس، وضيفي نصف الكمية، ومعاه ظرف البيكنج بودر 16 جرام، وقلبي بهدوء.
6️⃣ ضيفي باقي الدقيق وكملي تقليب في اتجاه واحد وبراحة، وأول ما الدقيق يختفي توقفي تقليب.
7️⃣ ضيفي معلقتين كبار عصير ليمون في الآخر، وقلبي تقليبتين أو ثلاثة بس لحد ما الخليط يتجانس.
8️⃣ ادهني صينية مقاس 26 أو 28 بالزبدة، ورشي رشة دقيق خفيفة وتخلصي من الدقيق الزيادة.
9️⃣ صبي خليط الكيك في الصينية، واخبطِي الصينية خبطتين أو ثلاثة خفيفين علشان أي فقاعات هوا كبيرة تخرج.
🔟 دخليها فرن متسخن مسبقًا على 180 درجة، على الرف الأوسط، والنار من تحت فقط.
⏰ هتحتاج تقريبًا 40 لـ45 دقيقة حسب فرنك.
🚨 وممنوع فتح الفرن قبل مرور 35 دقيقة.

ولو محتاجة لون ذهبي حلو من فوق، شغلي الشواية أقل من دقيقة مع المتابعة كويس جدًا.

💡 ملحوظات مهمة جدًا:
❤️ المكونات كلها تكون بحرارة الغرفة، ماعدا الحليب يكون مغلي.
❤️ السكر يكون فاتح والزيت يكون من غير ريحة.
❤️ انخلي الدقيق كويس.
❤️ متكتريش التقليب بعد إضافة الدقيق.
❤️ عصير الليمون يتضاف في الآخر.
❤️ سخني الفرن قبلها بـ10 لـ15 دقيقة.
❤️ متفتحيش الفرن قبل 35 دقيقة.
❤️ استخدمي نفس الكوباية في معايرة كل المقادير

😍 شايفين بقى الكيكة عاملة إزاي؟
هشة وطرية جدًا، خفيفة، ولونها فاتح من جوه، ومن غير ريحة بيض مزعجة، وكل ده ببيضتين بس! 🍰❤️
بجد دي من أنجح طرق الكيك اليومية، ولو جربتوها بنفس المقادير والخطوات، متأكدة إنها هتعجبكم جدًا وهتعتمدوها عندكم على طول. 😍👌