رجعت من السفر رشا خالد 1
أمه بتقول له بصوت عالي نسبيًا:”قلت لك البنت دي مش سهلة.. كان لازم نستنى لما تسافر شهر كمان وتنسى الموضوع!”وأحمد رد بصوت مكسور وعصبي:”ما هي اللي سافرت فجأة، ومي كانت هتمــ,,ـــــوت وتتجوز وتستقر في الشقة عشان جوزها اللي هيتقدم لها كمان شهر!
وبعدين أنتوا اللي قلتوا لي سارة طيبة ومش هتعمل حاجة!”قمت من على السر,,ـــــير، فتحت باب الأوضة بهدوء وطلعت. كلهم سكتوا وبصوا لي كأنهم بيشوفوا شبح. مشيت بخطوات ثابتة لحد ما وقفت قدام أحمد، وبصيت في عينه مباشرة من غير ولا دمعة واحدة تنزل، وقلت بصوت هادئ وقاطع زي السكــ,,ـــــينة:”التوكيل اللي عملته ليا وأنا عروسة.
. واللي استغليته وأنا في السما مسافرة عشان تبيع شقتي لأختك بـ 100 ألف جنيه.. خلاص، انتهى صلوحيته.”أحمد بلع ريقه وقال بصوت متردد:”سارة.. اهدي.. تعالي نتفاهم جوة.. مش كده..”قاطعت بحزم:”مافيش كلام يتقال يا أحمد. الشقة دي هترجع لي، وبطرق قانونية توديك أنت وأمك وأختك في داهية.
. وتزوير الأوراق الرسمية واستغلال التوكيل في غير المصلحة المشروعة.. عقوبتها مش اقل من 5 سنين سجــ,,ـــــن.”حماتي اتجننت واتنفرت وقالت بصوت صرخات:”بتخوفي ابني يا بت إنتِ؟! ده جوزك! يعني ملكه وملك أهله! شقة إيه وبتاع إيه، دي ولية ناقصة عقل ودين وعايزة تخرب بيتها بنفسها!
“رفعت موبايلي في وشهم وقلت:”أنا دلوقتي دايسة على زرار الإرسال.. مباحث الإنترنت ونيابة الأموال العامة هما اللي هيتفاهموا معاكم.”قبل ما أضغط على شاشة الموبايل، أحمد نط بسرعة ووقف قدامي، ومسك دراعي بقوة وقال بانهيار:”سارة.. اسمعيني.. والله ما كان قصدي..
أمي هي اللي ضغطت عليا وقالت إن مي محتاجة الشقة مؤقتاً لحد ما تظبط أمورها.. والله الشقة هترجع لك، بس والنبي بلاش فضايح، بلاش قسم وبلاوي!”سحبت دراعي من إيده بقوة، وبصيت له نظرة احتقار كاملة، وقلت:”مؤقتاً؟
وهي لابسة هدومي وبتطردني برة بيتي؟! الباب اللي هناك ده.. أقسم بالله لو ما خرجتوا كلكم منه خلال دقيقتين، لهخلي الشرطة هي اللي تخرجكم بالكلابشات، ومش هرحم حد فيكم.. لا أنت.. ولا أمك.. ولا أختك!”أخت جوزي بصت لأحمد بقلة حيلة وقالت بصوت مرعوب:”أحمد.
. هي بتكلم بجد؟ إحنا هنروح في داهية؟!”أحمد انهار وقعد على الكرسي حط إيده على راسه وبقى يبكي زي الأطفال، بينما حماتي كانت بتبص لي بشر وغل مش طبيعي، لكنها عرفت كويس إن اللعبة اتقشعت وإنها وقعت في شر أعمالها. فتحت باب الشقة على آخرة وقلت بصوت عالي:”بررررررررة.
