املاك حمايا 2
” عادل خطف الورقة من إيده وبدأ يقرا، وكل ما يقرا سطر، وشه كان بيصفر أكتر. راضي كان واقف بعيد، ساكت، وأنا كنت ببص عليه. المحامي قال: “والدكم كان عارف إنكم هتختلفوا بعد موته، وعشان كده كتب كل حاجة بالتفصيل.” تامر صرخ: “طب قول لنا!
إيه الشرط؟” المحامي بص له وقال: “إن إيرادات العمارتين بالكامل يتم توجيهها لصندوق عائلي، ويتصرف منها على علاج والدتكم، وتعليم أولادكم، ومصاريف البيت الأساسية، لحد ما أصغر حفيد يوصل لسن الرشد.” عادل قال: “إيه؟!” المحامي كمل: “وبعد كده، يتم توزيع صافي الإيرادات بين الأبناء الثلاثة بالتساوي.
” السكوت نزل على المكان. بصيت لراضي، لقيته واقف كأنه مش مستوعب. تامر قال: “طب وراضي؟” المحامي ابتسم ابتسامة صغيرة وقال: “راضي ليه بند خاص.” ساعتها أنا حسيت إن الكلام اللي قاله حمايا قبل موته بيرجع في وداني: “وأنت يا راضي… كفاية عليك مراتك.
