سلفتى 3
شهقت نورة وانخرطت في بكاء مرير، بينما ارتسمت علامات الذهول على وجه سلفتي التي تراجع لون وجهها فجأة ليصبح أبيض كالملاءة!
أكمل المحامي وهو ينظر لسلفتي بحدّة: «ولما فتشوا الأمتعة بتاعته في المطار يا سي أحمد، ما لقوش معاه الفلوس بس.. لقوا معاه عقد بيع تاني خالص، عقد بيع أرض ومبنى العيلة بالكامل—الشقة اللي أنتم قاعدين فيها دي بالبيت كله!
اتضح إن التوكيل اللي نورة عملتهوله، ما كانش للبيع وبس، ده كان فيه بند تسليم وإدارة شاملة، وسامح أخذ القروض على البيت كله بضمان التوكيل ده وسجل العقود باسم الشركة العقارية اللي سلفتك شغال مع أصحابها!».
ساد الصمت الشديد، صمت أثقل من صمت المقابــ,,ـــــبر. لم تكن المحلات وحدها قد راحت، بل السقف الذي يلم العائلة بالكامل، والبيت الذي عاشوا فيه طفولتهم، كان مرهوناً ومبيوعاً للشركة الشبحية التي كانت سلفتي واسطة فيها!
التفت أحمد كالمجنون إلى سلفتي، وقبــ,,ـــــض على يدها بقوة وهو يصرخ: «يعني أنتم كنتم متفقين تطلعونا الشارع؟! كنتم نويين ترموا أمي وإخواتي في الشارع يا فاجرة؟!».
صرخت سلفتي وهي تحاول الفكاك منه، والذعر قد أكل قلبها أخيراً بعدما أدركت أن الشريك الذي ائتمنته على سرقتها خانها هو الآخر وأخذ كل شيء وهرب: «والله العظيم ما كنت أعرف إنه بايع البيت! والله العظيم كان قايلي المحلات بس!
هو ضحك عليا وأخد الأوراق مني وقالي دي للشركة عشان يضمن نصيبي! سامح هو اللي خطط لكل ده، هو اللي قالي خدي ذهب الحجة وجهاز البراون وكل حاجة عشان نشغلهم ونكسر عين العيلة وما يقدروش يطالبوا بحاجة!».
هنا تقدمتُ أنا بخطوات ثابتة نحوها، وقفت أمامها مباشرة، ونظرت في عينيها اللتين كانت تفيضان بدموع الرعب والندم التأخر. نظرتُ إليها وقلتُ بصوت هادئ هز أركان الغرفة:
«فاكرة يا فلانة لما وقفتي وسط العزومة قدام الحجة وكل الناس، وضحكتي وقلتيلي “عايزة تطلعيني حرامية عشان جهاز؟ ده أنا لو عايزاه كنت اشتريته!”؟ فاكرة لما حطيتي إيدك على كتاب ربنا وحلفتي زور وأنتِ عارفة إن الجهاز في شنطتك فوق الدولاب؟
ربنا ما يسبش حق حد يا فلانة.. الجهاز الصغير اللي استخسرتي ترجعيه، والكدبة اللي افتكرتي إنها عدت، كانت الخيط الوحيد اللي ربنا سحبه عشان يفك غرز غدرك أنتِ وسامح، ويكشف ستركم قبل ما ترموا العيلة دي كلها في الشارع!».
